zurück

ZEM JOORESWÄGGSEL

ZWEIDUUSIG NULLACHT, DU BRUUCHSCH IS NYT VEZELLE
S'ISCH NIT SO GANGE WIE DU HESCH WELLE
MIT GUETEM MUET BISCH ZUEN YS KOO
JETZT BISCH UMME, JETZT MUESCH GOO.
E KATASTROOFE DOO, E KATASTROOFE DERT
DAS HET IS SCHO E BITZLI GSTEERT,
DOCH UNS YYLE HESCH VERSCHOONT,
DRUM WIRDSCH MIT DANGGERSCHEEN BELOONT.

NUN LOOSET WAAS Y EICH HA Z'SAAGE
IN DER LETSCHTE JOORES-FAASE,
MERGGSCH, WIE DIE ZYT VERBY DUET RAASE,
HEKTIK, STRESS UFF SCHRITT UND TRITT
UND JEDE MACHT DAS RENNE MIT.

RESIGNIERE BY DE WAALE
DEBIDOORE WO NIT ZAALE.
D'AKTIE IM KÄLLER UNDE,
HOFFE, ME KÄMI YYBER D'RUNDE,
S'AINZIG, WO ÄNDERE DUET BYM GANZE
AI JOORESRING HESCH MEE AM RAN.....

OB ZAUBERFORMLE ODER KONKORDANZ
DAS INTERESSIERT NACH DAAGE ME KEI SCHWANZ.
D'WAALE SIN JETZT ALLI UMME
UND IRGEND EI PARDEY, SIN DENN DIE DUMME.
WAAS DIIE DO MÄNNGMOOL AANEBIEGE
SCHMEGGT KURZ DRUFFAABE FASCHT WIE LIEGE
GESCHTERT DEENTS NO ZIMMLIG WICHTIG
HITTEN ISCH'S SCHO LANG NIMM RICHTIG
MACHE DIIE DAS WIRGGLIG SCHLAU
KUNNSCH NIMM RÄCHT DRUUS UND WAISCH'S NIMM GNAU
UND S'SCHLIMME DRAA, ODER ISCH ES S'SCHEENE
ME DUET SCHO LANGSAAM SICH DRAA GWEENE.

AM SCHLUSS DOO FROGGSCH DY IRRITYRT:
HET SICH DÄ GANZI STRESS RENDIERT?
DIE ANTWORT MUESCH DR SÄLBER GÄÄ
MY ROOTSCHLAG: SOTTSCH ES RUHIGER NÄÄ
UND OPPTIMISTISCH S'NEYJOOR BEGRIESSE,
DENN, S'NEY YYLE-JOOR DAAS MUES ME GNIESSE.

FYR UNS YYLE GÄLTE D'KATASTROOFE NITT
UNS WIRFT NYTT UM, MIR BLYBEN IM SCHRITT
UND DIEN IM SINN UND GAISCHT ÜBER ALLES WALTE
DIEN ZÄMMESTOO UND ZÄMMEHALTE
DOO G'SEHN MIR WYT UND BRAIT KEI GFOOR
DRUM MACHETS GUET, VYL GLIGG UND

 PROSIT NEY JOOR

* * *